ෆ්රැන්සිස් පාප් වහන්සේගේ සුවය පතා යදින්නට අප හා එක්වන්න. 🙏
ශුද්ධෝත්තම පියාණන්ගේ සුවය වෙනුවෙන් වෙරිටාස් ආසියානු ගුවන්විදුලියේ විශේෂ යැදුම
ප්රේමණීය දයානුකම්පිත පියාණෙනි,
ඇදහිල්ලෙන් හා විශ්වාසයෙන්, රේඩියෝ වෙරිටාස් ආසියානු පවුල වන අපි, අපගේ ආදරණීය සුදතුම් පියාණන් වන ෆ්රැන්සිස් පාප් වහන්සේ වෙත ඔබවහන්සේගේ දිව්යමය හස්තය යොමු කරන මෙන් අයැද සිටිමු. එතුමන්ගේ අසනීප තත්ත්වයේදී, ශක්තිය නැවත ලබා ගැනීමට සහ සැනසීම ලබා දීමට අපි ඔබවහන්සේගේ සුව කිරීමේ කරුණාව ඉල්ලා සිටිමු.
ප්රඥාව, අනුකම්පාව සහ නොසැලෙන ඇදහිල්ලෙන් ඔබවහන්සේගේ සභාව ඉදිරියටත් මෙහෙයවීමට එතුමන් හට ඉක්මන් පූර්ණ සුවය ලබා දුන මැනව.
එක්සිත්ව යදින අපගේ යැදුම් හේතුකොටගෙන එතුමන්ට ආත්මික, ශාරීරික සහ මානසික නීරෝගි බව ද දානය කළ මැනව. මේ කී දේ අපගේ ස්වාමීන් වන ජේසුස් ක්රිස්තුස් වහන්සේ උදෙසාම අපට ලැබේවා. ආමෙන්.
